«Наполи» Алисон Сантосни тўлиқ сотиб олди
“Наполи” вингер Алисон Сантоснинг шартномасини сотиб олганлигини расман эълон қилди.
Аввалроқ, “Партенопейлар” Лиссабоннинг “Спортинг” клубига 16,5 миллион евро тўлаши ҳақида хабар қилинганди. Италия клуби бу қарорни апрел ойидаёқ қабул қилган, июн ойида эса бу ҳақда португалияликларни расман хабардор қилган.
Шунингдек, неаполликлар бразилиялик футболчи билан 2030 йилгача мўлжалланган шахсий шартнома шартларини келишиб олгани хабар қилинган. Шартномада уни яна бир мавсумга узайтириш имконияти кўзда тутилган.
Алисон Сантос январ ойида ижара асосида “Наполи”га ўтган эди. Вингер Италия жамоаси сафида барча мусобақаларда жами 15 та ўйин ўтказиб, тўртта гол урди.
“Наполи” А Серия турнир жадвалида иккинчи ўринни эгаллади ва келаси мавсумда Чемпионлар лигасининг асосий босқичида иштирок этади.