«Napoli» Alisson Santosni to’liq sotib oldi
“Napoli” vinger Alisson Santosning shartnomasini sotib olganligini rasman e’lon qildi.
Avvalroq, “Partenopeylar” Lissabonning “Sporting” klubiga 16,5 million yevro to‘lashi haqida xabar qilingandi. Italiya klubi bu qarorni aprel oyidayoq qabul qilgan, iyun oyida esa bu haqda portugaliyaliklarni rasman xabardor qilgan.
Shuningdek, neapolliklar braziliyalik futbolchi bilan 2030-yilgacha mo‘ljallangan shaxsiy shartnoma shartlarini kelishib olgani xabar qilingan. Shartnomada uni yana bir mavsumga uzaytirish imkoniyati ko‘zda tutiladi.
Alisson Santos yanvar oyida ijara asosida “Napoli”ga o‘tgan edi. Vinger Italiya jamoasi safida barcha musobaqalarda jami 15 ta o‘yin o‘tkazib, to‘rtta gol urdi.
“Napoli” A Seriya turnir jadvalida ikkinchi o‘rinni egalladi va kelasi mavsumda Chempionlar ligasining asosiy bosqichida ishtirok etadi.
