Нагельсманн Германия терма жамоасини тарк этди (Романо)
Германия футбол федерацияси Юлиан Нагельсманнни миллий жамоа бош мураббийлиги лавозимидан озод қилди. Бу ҳақда журналист Фабрицио Романо Bild нашрига таяниб хабар берди.
38 ёшли Нагельсманн Германия терма жамоасини 2023 йилдан буён бошқариб келаётган эди. Унинг Германия футбол федерацияси билан амалдаги шартномаси 2028 йилга қадар мўлжалланган бўлган.
Бироқ 2026 йилги Жаҳон чемпионатида немислар 1/16 финалда Парагвайга кутилмаган тарзда мағлуб бўлиб, мусобақани эрта тарк этди. Бу натижа мамлакатда катта танқидларга сабаб бўлди ва оқибатда федерация мураббий билан ҳамкорликни тўхтатишга қарор қилди.
Аввалроқ Германия футбол федерацияси Нагельсманнга шартнома муддатидан аввал бекор қилингани учун 7 миллион евро миқдорида товон пули тўлаши мумкинлиги ҳақида хабарлар тарқалган эди.