Нагельсман Шлоттербекнинг ЖЧ-2026 якунига қадар сафдан чиққанига муносабат билдирди
Германия терма жамоаси бош мураббийи Юлиан Нагельсман ҳимоячи Нико Шлоттербекнинг жароҳат туфайли жаҳон чемпионати – 2026 якунига қадар сафдан чиққанини изоҳлади.
«Бизга майдонда ажойиб ҳимоячи сифатида Шлотти, айниқса унинг ажойиб ўйини жуда етишмайди. Кеча ҳаммамиз унга далда беришга ҳаракат қилдик. Яхшиямки, у келажакка умид билан қарайдиган жуда позитив йигит.
Унинг йўқлигига қарамай, бизда ҳали ҳам Жонатан Та, Антонио Рюдигер, Вальдемар Антон ва Малик Тшау билан жуда яхши ҳимоя бор», — дея Нагельсманнинг сўзларини келтиради Германия футбол иттифоқининг расмий сайти.
Эслатиб ўтамиз, Шлоттербек Кот-д′Ивуарга қарши (2:1) ўйинда тўпиқ пайларидан жиддий жароҳат олгани сабабли жаҳон чемпионатидаги иштирокини якунлади.
ЖЧ-2026 гуруҳ босқичининг 3-турида Германия терма жамоаси 25 июнь куни Эквадор билан учрашади.
