Nagelsmann Shlotterbekning JCh-2026 oxirigacha safdan chiqqaniga munosabat bildirdi
Germaniya terma jamoasi bosh murabbiyi Yulian Nagelsmann himoyachi Niko Shlotterbekning jarohat tufayli jahon chempionati – 2026 oxirigacha safdan chiqqanini izohladi.
«Bizga maydonda ajoyib himoyachi sifatida Shlotti, ayniqsa uning zo‘r o‘yini juda yetishmaydi. Kecha hammamiz unga dalda berishga harakat qildik. Yaxshiyamki, u kelajakka umid bilan qaraydigan juda pozitiv yigit.
Uning yo‘qligiga qaramay, bizda hali ham Jonatan Ta, Antonio Rüdiger, Valdemar Anton va Malik Tshaular bilan juda yaxshi himoya bor», — deya Nagelsmanning so‘zlarini keltiradi Germaniya futbol ittifoqining rasmiy sayti.
Eslatib o‘tamiz, Shlotterbek Kot-d’Ivuarga qarshi (2:1) o‘yinda to‘piq paylaridan jiddiy jarohat olgani sababli jahon chempionatidagi ishtirokini yakunladi.
JCh-2026 guruh bosqichining 3-turida Germaniya terma jamoasi 25 iyun kuni Ekvador bilan uchrashadi.
