«МЮ» ўз таркибини Лига 1'нинг икки футболчиси ёрдамида кучайтирмоқчи

«МЮ» скаутлари Франция чемпионати доирасидаги «Ренн» – «ПСЖ» (0:1) учрашувини кузатди. The Sun нашрининг хабарига кўра, клуб мутахассислари икки ёш футболчини — 20 ёшли ҳимоячи Жереми Жаке ва 18 ёшли ҳужумчи Муҳаммад Мейте-ни яқиндан ўрганиш учун трибуналарда бўлишган.

Манбага кўра, ёзги трансфер ойнасида Жакега «Арсенал» ва «Кристал Пэлас» жиддий қизиқиш билдирган, бироқ у якунда «Ренн» билан шартномасини 2029 йилгача узайтирган.

Жорий мавсумда Жаке Лига 1 доирасида 12 та ўйинда майдонга тушган, бироқ ҳали гол ёки ассист қайд этмаган. Мейте эса 11 та учрашувда иштирок этиб, 2 та гол ва 2 та голли узатма қайд этган.

Франция чемпионатининг 12 та тури ортда қолгач, «Ренн» 18 очко тўплаган ҳолда турнир жадвалида 8-ўринни эгаллаб турибди.

Насрулло Каримов

Журналист