«MYU» oʻz tarkibini Liga 1'ning ikki futbolchisi yordamida kuchaytirmoqchi
«MYU» skautlari Fransiya chempionati doirasidagi «Renn» – «PSJ» (0:1) uchrashuvini kuzatdi. The Sun nashrining xabariga ko‘ra, klub mutaxassislari ikki yosh futbolchini — 20 yoshli himoyachi Jeremi Jake va 18 yoshli hujumchi Muhammad Meyteni yaqindan o‘rganish uchun tribunalarda bo‘lishgan.
Manbaga koʻra, yozgi transfer oynasida Jakega «Arsenal» va «Kristal Pelas» jiddiy qiziqish bildirgan, biroq u yakunda «Renn» bilan shartnomasini 2029 yilgacha uzaytirgan.
Joriy mavsumda Jake Liga 1 doirasida 12 ta o‘yinda maydonga tushgan, biroq hali gol yoki assist qayd etmagan. Meyte esa 11 ta uchrashuvda ishtirok etib, 2 ta gol va 2 ta golli uzatma qayd etgan.
Fransiya chempionatining 12 ta turi ortda qolgach, «Renn» 18 ochko to‘plagan holda turnir jadvalida 8-o‘rinni egallab turibdi.
