«МЮ» яримҳимоячиси «Ҳалл Сити»га ўтишга яқин турибди
Трансфер 19 январь куни эълон қилиниши кутилмоқда.
ФОТО: Getty Images
«Ҳалл Сити» «Манчестер Юнайтед» яримҳимоячиси Тоби Коллайерни мавсум охиригача ижарага олиш бўйича келишувга эришди. Бу ҳақда Hull Daily Mail хабар бермоқда.
Манбага кўра, «Ҳалл Сити» футболчининг трансфери 19 январь, душанба куни расман якунлашни режалаштирмоқда.
Коллайер жорий мавсумнинг биринчи қисмини ижара асосида «Вест Бромвич» сафида ўтказди. У Чемпионшип доирасида 12 та учрашувда майдонга тушиб, битта голли узатма билан ажралиб турди.
Яримҳимоячи 2022 йилдан буён «Манчестер Юнайтед» тизимида фаолият юритмоқда. Шу вақт ичида у манкунияликларнинг асосий жамоаси сафида барча мусобақаларда 13 та ўйинда иштирок этган, бироқ самарали ҳаракатлар қайд эта олмаган.
Насрулло Каримов
Журналист