«МЮ» ва «Милан» Саудияда ўртоқлик ўйини ўтказиши мумкин
Учрашув февраль ойи ўрталарига мўлжалланган.
ФОТО: Getty Images
«Манчестер Юнайтед» 2026 йил февраль ойида Саудия Арабистонида дўстона ўйин ўтказиши мумкин. Бу ҳақда The Times хабар берди.
Манбага кўра, инглиз клуби тақвимида бўш вақт юзага келган ва уни асосий жамоа билан Яқин Шарқ бўйлаб тижорий сафар учун ишлатиш режалаштирилмоқда.
Учрашув февраль ойининг ўрталарига мўлжалланган. Саудия томони билан музокаралар аллақачон бўлиб ўтган, бироқ расмий келишувлар ҳали имзоланган эмас. Потенциал рақиб сифатида «Милан» жамоаси кўриб чиқилмоқда, бу эса ўйинга қўшимча мақом ва мухлислар диққатини оширади.
Агар келишувга эришилса, учрашув клубларнинг Европадан ташқарида глобал иштирокини кенгайтириш ва брендини мустаҳкамлаш стратегиясининг бир қисми бўлади.
Насрулло Каримов
Журналист
