«МЮ» туркиялик юлдуз учун 90 миллион евро тўламоқчи

“Манчестер Юнайтед” 2026 йилнинг ёзида “Ювентус”нинг туркиялик вингери Кенан Йилдизни ўз сафига қўшиб олишни истамоқда. Бу ҳақда Caught Offside нашри хабар берди.

Манбага кўра, “қизил иблислар” 20 ёшли футболчининг трансфери учун 90 миллион евро тўлашга тайёр.

Шунингдек, Йилдизга Англиянинг бошқа жамоалари, жумладан “Челси” ва “Арсенал” ҳам қизиқиш билдирмоқда.

Жорий мавсум туркиялик ҳужумчи барча мусобақалар доирасида жами 12 та ўйинда майдонга тушиб, ўз ҳисобига 5 та гол ва 6 та голли узатма ёздириб қўйди. Йилдизнинг “Ювентус” билан шартномаси 2029 йил ёзига қадар амал қилади. Transfermarkt портали унинг қийматини 75 миллион еврога баҳоламоқда.

Розикжон Султонмуродов

Журналист