«MYU» turkiyalik yulduz uchun 90 million yevro to'lamoqchi

“Manchester Yunayted” 2026 yilning yozida “Yuventus”ning turkiyalik vingeri Kenan Yildizni o‘z safiga qo‘shib olmoqchi. Bu haqda Caught Offside nashri xabar berdi.

Manbaga ko‘ra, “qizil iblislar” 20 yoshli futbolchining transferi uchun 90 million yevro to‘lashga tayyor.

Shuningdek, Yildizga Angliyaning boshqa klublari, jumladan “Chelsi” va “Arsenal” ham qiziqish bildirmoqda.

Joriy mavsum turkiyalik hujumchi barcha musobaqalar doirasida jami 12 ta o‘yinda maydonga tushib, o‘z hisobiga 5 ta gol va 6 ta golli uzatma yozdirib qo‘ydi. Yildizning “Yuventus” bilan shartnomasi 2029 yil yozigacha amal qiladi. Transfermarkt portali uning qiymatini 75 million yevroga baholamoqda.

Roziqjon Sultonmurodov

Jurnalist