«МЮ» тарихидаги энг қиммат трансфер амалга ошиши мумкин
Манкунианликлар устози Рубен Аморимнинг шахсан ўзи мазкур трансфер устида ишламоқда.
ФОТО: Getty images
“Манчестер Юнайтед” клуби “Ноттингем Форест” ярим ҳимоячиси Эллиот Андерсонга жиддий қизиқиш билдирмоқда. Бу ҳақда The Sun нашри хабар берди.
Манбага кўра, манкунианликлар устози Рубен Аморимнинг шахсан ўзи мазкур трансфер устида ишламоқда.
“Ноттингем Форест” 22 ёшли футболчини фақат 100–120 миллион фунт стерлинг (тахминан 114–134 миллион евро) эвазига қўйиб юборишга тайёр.
Агар мазкур трансфер амалга ошса, бу “Манчестер Юнайтед” тарихидаги энг қиммат харидга айланади. Клубнинг ҳозирги трансфер рекорди 2016-йилда ўрнатилган бўлиб, ўшанда “Ювентус”дан Пол Погба 105 миллион евро эвазига сотиб олинганди.
Розикжон Султонмуродов
Журналист
