«МЮ» собиқ ҳимоячиси Ла Лига клубига ўтиши мумкин
Фото: Getty Images
“Манчестер Юнайтед” собиқ ҳимоячиси Виктор Линделёф фаолиятини Испания чемпионатида давом эттириши мумкин. Бу ҳақда журналист Никола Скира хабар берди.
Манбага кўра, швециялик футболчига “Сельта” жамоаси томонидан жиддий қизиқиш бўлмоқда. 31 ёшли футболчи Виго клуби билан музокара ўтказмоқда.
Шунингдек, “Байер” ҳам Линделёф борасида унинг агентлари билан музокарага киришганди.
Ҳозирда Линделёф эркин агент ҳисобланади. Унинг Манчестер клуби билан шартномаси шу йилнинг 1 июль санасида якунига етган.
Баҳром Бобонов
Редактор