«МЮ» Саудия сафари орқали 10 млн фунт ишлаб олиши мумкин
Инглиз клуби "Ан-Наср" ва "Ал-Ҳилол" иштирокидаги уч томонлама турнирда майдонга тушиши мумкин.
ФОТО: Getty images
"Манчестер Юнайтед" жорий мавсум давомида Саудия Арабистонида ўртоқлик ўйинлари ўтказиш бўйича келишувга эришса, 10 млн фунтдан кўпроқ даромад олиши мумкин. Бу ҳақда Daily Mail хабар бермоқда.
Манбага кўра, инглиз клуби "Ан-Наср" ва "Ал-Ҳилол" иштирокидаги уч томонлама турнирда майдонга тушиши мумкин.
"Қизил иблислар" бир ўйинда ғалаба қозонган тақдирда тахминан 5 миллион фунт стерлинг ва мукофот пуллари ишлаб олиши кутилмоқда.
Бундан ташқари, "Манчестер Юнайтед" Саудия Арабистонидаги фаолияти давомида тижорий битимлардан қўшимча даромад олиши мумкин.
Қайд этилишича, “қизил иблислар” қисқа вақт ичида Саудия Арабистонига ташриф буюриб, фақат битта ўйин ўтказиши мумкин.
Розикжон Султонмуродов
Журналист
