«МЮ» Решфорд ўрнига икки нафар номзодни кўриб чиқмоқда
«Манчестер Юнайтед» клуби айни дамда ижара асосида «Барселона»да тўп сураётган ва фаолиятини айнан Каталонияда давом эттирмоқчи бўлган ҳужумчи Маркус Решфордга ўринбосар изламоқда. «Қизил иблислар» ушбу позиция учун иккита асосий номзодни белгилаб олишган. Бу ҳақда TEAMtalk нашри хабар бермоқда.
Манбанинг маълумотига кўра, биринчи вариант — «Лейпциг»нинг 19 ёшли вингери Ян Диоманд. Кот-д’ивуарлик иқтидорли футболчини сотиб олиш учун манкуниянликларга 100 миллион евро керак бўлиши мумкин.
Иккинчи номзод сифатида «Эвертон»нинг 25 ёшли қанот ҳужумчиси Илиман Ндиайе кўрилмоқда. Transfermarkt порталининг маълумотига кўра, сенегаллик футболчининг бозор қиймати 45 миллион евро деб кўрсатилган бўлса-да, «ирландлар» ўз етакчиси учун анча катта маблағ талаб қилиши кутилмоқда.
Эслатиб ўтамиз, аввалроқ «Барселона» Решфорднинг трансфер ҳуқуқини «Манчестер Юнайтед»дан 30 миллион евroga сотиб олишга тайёр экани ҳақида хабарлар тарқалган эди.
