\"МЮ\" Рафинья учун қанча сарфламоқчи эканлиги маълум қилинди
Ўтган мавсум у 34та гол урди ва 25та голли узатмани амалга оширди.
Фото: Getty Images
“Манчестер Юнайтед“га “Барселона“ футболчиси Рафинья керак. Бу ҳақда Марcа нашри хабар берди.
Қайд этилишича, 28 ёшли футболчининг трансфери учун “қизил иблислар“ 150 миллион евро таклиф қилмоқчи. Бу таклиф "Барселона"га маъқул келиши ва Рафинья билан хайрлашиши мумкин.
Аввалроқ унга Саудиянинг “Ал-Ҳилол” жамоаси ҳам таклиф билан чиққанди.
Эслатиб ўтамиз, Рафинья ўтган мавсум 57 та учрашувда майдонга тушди. Унинг ҳисобида 34 та гол ва 25 та голли узатма бор. Футболчининг амалдаги шартномаси 2027 йилнинг ёзига қадар мўлжалланган.
Розикжон Султонмуродов
Журналист
