«МЮ» раҳбарияти Рэшфордни «Барселона»га ижарага берганидан афсусда
«Манчестер Юнайтед» раҳбарияти ҳужумчи Маркус Рэшфордни «Барселона»га 26 миллион фунт стерлинг миқдоридаги сотиб олиш опцияси билан ижарага беришга рози бўлганидан жиддий афсусда. Бу ҳақда Mirror нашри хабар бермоқда.
Англиялик форвард жорий мавсумда ўзининг сермаҳсул ўйини билан барчани ҳайратга солмоқда: у 34 та учрашувда 10 та гол ва 13 та голли узатма муаллифи бўлди. Бундай юқори кўрсаткичлардан сўнг, «қизил иблислар» мутасаддилари футболчининг трансфер қиймати камида 50 миллион фунт бўлиши керак эди, деган хулосага келишган.
Вазиятнинг «Юнайтед» учун ноқулай жиҳати шундаки, ижара шартномасида уни муддатидан аввал бекор қилиш банди мавжуд эмас. Рэшфорднинг ўзи эса Каталония клубида қолишни қатъий ният қилган ва бу «кўк-анорранглилар» учун трансфер музокараларида катта устунлик беради.
Клуб ҳаммуаллифи Жим Ретклифф бюджет юклаmasини камайтириш учун футболчини сотиб юбориш ниятида, бироқ у Рэшфорддек юлдузнинг «Барселона»га арзон нархда ўтиб кетишига йўл қўймаслик чораларини қидирмоқда.
