«МЮ» Невеш учун 23 млн евро сарфлашга тайёр
Жорий мавсумда португалиялик ярим ҳимоячи "Ал-Ҳилол" сафида 21 та ўйинда иштирок этди.
ФОТО: Getty images
Рубен Невеш Саудиянинг "Ал-Ҳилол" клубидан Англия Премьер-лигасига кўчиб ўтиши мумкин. Унинг хизматларига "Манчестер Юнайтед" қизиқиш билдирмоқда.
Журналист Экрем Конур хабар беришича, "қизил иблислар" раҳбарияти футболчини трансфер қилиш бўйича таклиф билан чиққан.
Инглиз клуби Невеш учун 23 миллион евро тўлашга тайёр. Шу билан бирга, Рубеннинг Саудия клуби билан амалдаги меҳнат шартномаси келаси ёзда ўз якунига етади.
Жорий мавсумда португалиялик ярим ҳимоячи "Ал-Ҳилол" сафида 21 та ўйинда иштирок этди. Невеш ўз ҳисобига 8 та гол ва 4 та голли узатмани ёздириб қўйган.
Розикжон Султонмуродов
Журналист