«МЮ» Мактоминейни қайта сотиб олишни режалаштирмоқда
Манкуниянликлар 28 ёшли футболчини қўлга киритиш учун камида 50 миллион евро тўлаши керак.
ФОТО: Getty Images
«Манчестер Юнайтед» ўз тарбияланувчиси, ҳозирда «Наполи» сафида тўп сураётган Скотт Мактоминейни қайта сотиб олиш ниятида. Бу ҳақда Caught Offside нашри хабар берди.
Манба маълумотига кўра, неаполликлар 28 ёшли ярим ҳимоячи учун аниқ нарх белгиламаган, аммо уни қўлга киритишни истаган жамоалар камида 50 миллион евро тўлашга тўғри келади. Шотландиялик футболчига «Ньюкасл» ва «Тоттенхэм» клублари ҳам қизиқиш билдирган.
Шу билан бирга, хабарда таъкидланишича, Мактоминей «Наполи»ни тарк этишда жиддий талаб қўйишни режалаштираётгани йўқ. У 2024 йил ёзида «Манчестер Юнайтед»дан Италия клубига ўтган эди.
Эслатиб ўтамиз, Мактоминей «Юнайтед»нинг катталар таркибида 255 та ўйинда иштирок этиб, 29 та гол урган ва 8 та голли узатма амалга оширган.
Насрулло Каримов
Журналист
