«МЮ» Леауга қизиқиш билдирмоқда

“Манчестер Юнайтед” клуби “Милан”нинг 26 ёшли ҳужумчи Рафаэль Леауга қизиқиш билдирмоқда. Бу ҳақда инсайдер Ekrem Konur X ижтимоий тармоғида маълум қилди.

Маълум қилинишича, миланликлар футболчи бўйича музокараларга тайёр, аммо унинг шартномасида белгиланган товон пули 175 миллион еврони ташкил этади. Шу билан бирга, клуб португалияликни сотишдан тахминан 40–50 миллион евро даромад қилишни режалаштирмоқда. “Милан” ҳозир молиявий жиҳатдан мураккаб ҳолатда бўлиб, етакчи ўйинчилар бўйича таклифларга очиқ.

Жорий мавсумда Леау барча мусобақаларда 30 та ўйинда иштирок этиб, 10 та гол урди ва 3 та голли узатмани амалга оширди. Transfermarkt порталига кўра, унинг бозор қиймати 65 миллион евро деб баҳоланмоқда.

Розикжон Султонмуродов

Журналист