«МЮ» Кейнни АПЛга қайтармоқчи
Фото: Getty Images
“Бавария” клуби шарафини ҳимоя қилаётган Ҳарри Кейн туманли Албионга қайтиши мумкин. Бу ҳақда DeadlineDayLive хабар берди.
Манбага кўра, “Манчестер Юнайтед” клуби 32 ёшли футболчини АПЛга қайтаришни хоҳламоқда.
Кейн билан “Бавария” ўртасидаги шартномада махсус банд мавжуд. Яъни, агар футболчи бошқа жамоага ўтишни истаса, Мюнхен клуби бунга тўсқинлик қила олмайди. “Қизил иблислар” эса айнан шу бандни фаоллаштириш орқали ҳужумчини қўлга киритишни режалаштирган. Кейн “немис машинаси” сафини тарк этмоқчи бўлса, харидор клуб уни 65 миллион евро эвазига сотиб олиши керак бўлади.
Розикжон Султонмуродов
Журналист
