«МЮ» кейинги мавсум олдидан «ПСЖ» ва «Атлетико»га қарши ўртоқлик ўйинида майдонга тушади
Ҳозирда манкунианликлар АПЛ турнир жадвалида учинчи ўринни эгаллаб турибди.
ФОТО: Getty Images
«Манчестер Юнайтед» клуби ўз расмий сайтида навбатдаги мавсумга тайёргарлик доирасида ёзда бўлиб ўтадиган ўртоқлик учрашувлари ҳақидаги маълумотларни эълон қилди.
«Қизил иблислар»нинг илк рақиби «Рексхем» жамоаси бўлади — ушбу баҳс 18 июль куни Ҳелсинкида бўлиб ўтади. Шунингдек, манкунианликлар 24 июль куни Тронхеймда «Русенборг» билан, 1 августда Стокгольмда Мадриднинг «Атлетико» жамоасига қарши майдонга тушишади. 8 август куни Гётеборгда «ПСЖ» билан баҳс бўлиб ўтса, 12 августда Дублинда «Лидс Юнайтед»га қарши ўйин режалаштирилган.
Ҳозирги вақтда «Манчестер Юнайтед» 55 очко билан Англия Премьер-лигаси турнир жадвалида учинчи ўринни эгаллаб турибди. Жамоа ўзининг навбатдаги учрашувини 13 апрел куни айнан «Лидс Юнайтед»га қарши ўтказади.
Насрулло Каримов
Журналист