«МЮ» Каземиронинг ўрнига Сандро Тонали номзодини кўриб чиқмоқда
Аввалроқ бразилиялик яримҳимоячи манкуниянликлар сафини тарк этишини маълум қилганди.
ФОТО: Getty Images
«Ньюкасл» яримҳимоячиси Сандро Тонали келаси ёзда жамоани тарк этиши кутилaётган Каземиронинг ўрнига асосий номзодлардан бири сифатида «Манчестер Юнайтед» эътиборига тушди.
The Telegraph нашри хабар беришича, италиялик хавбек манкуниянликларнинг трансфер бозоридаги устувор мақсадлари рўйхатидан жой олган. «МЮ» қизиқишлари доирасида Тоналидан ташқари, «Ноттингем Форест» аъзоси Эллиот Андерсон ва «Кристал Пэлас» футболчиси Адам Уортон ҳам бор.
Қайд этилишича, «Ньюкасл» Тоналининг трансфери учун тахминан 100 миллион фунт стерлинг талаб қилиши мумкин.
Эслатиб ўтамиз, яқинда Каземиро ушбу мавсум у учун «Юнайтед» либосидаги охиргиси бўлишини маълум қилган эди.
Насрулло Каримов
Журналист