\"МЮ\" \"Интер\" футболчисини сотиб олмоқчи
Фото: Getty Images
"Манчестер Юнайтед" "Интер"дан ярим ҳимоячи Давиде Фраттези билан шартнома имзоламоқчи, дея хабар тарқатмоқда Caught Offside.
Манба берган хабарга кўра, "нерадзуррилар" 25 ёшли футболчининг нархини 50 миллион евродан 35 миллион еврога туширган. Фраттезининг ўзи ҳали келажаги ҳақида бир қарорга келгани йўқ.
"Манчестер Юнайтед" футболчи учун ягона даъвогар эмас. Унга "Тоттенхем", "Атлетико Мадрид" ва "Рома" клублари қизиқиш билдирган.
Ўтган мавсумда Фраттези барча турнирларда 47 та ўйин ўтказиб, 7 та гол урди ва 2 та голли узатмани амалга оширди. Футболчининг клуб билан амалдаги меҳнат шартномаси 2028 йилнинг ёзига қадар мўлжалланган.Трансфермаркт порталида берилган маълумотларга кўра, футболчининг бозор нархи 35 миллион еврони ташкил қилади.
Баҳром Бобонов
Редактор
