\"МЮ\" икки франциялик ҳужумчига кўз тиккан
Аморим ёзда жамоага бир нечта ҳужумчиларни олиб келмоқчи
Фото: Getty Images
“Манчестер Юнайтед” ёзги трансфер вақтида таркибни кучайтириш мақсадида бир нечта футболчиларга эътибор қаратган.
Give me Sport хабарига кўра, “қизил иблислар” “ПСЖ”га тегишли бўлган Рандал Коло Муани ва “Кристал Пэлас” форварди Жан-Филипп Матетага қизиқмоқда.
Қайд этилишича, “МЮ” Коло Муани трансфери учун тахминан 41 млн евро тўлаши керак. Матетанинг трансфери 47,6 млн еврога баҳоланмоқда.
Матетанинг “бургутлар” билан келишуви 2026 йилнинг ёзида якунланади. Коло Муанинг “ПСЖ” билан меҳнат битими 2028 йилнинг 30 июнига қадар мўлжалланган.
Розикжон Султонмуродов
Журналист
