«МЮ» Аморимни истеъфога чиқарса қанча товон пули тўлаши маълум
Аморим "Манчестер Юнайтед"ни 2024 йилнинг ноябрида қабул қилиб олганди.
ФОТО: Getty images
Рубен Аморим "Манчестер Юнайтед" бош мураббийлигидан истеъфога чиқарилса, мўмайгина пул ишлаб олади.
Daily Mail хабарига кўра, агар португалиялик мутахассис 11 ноябрга қадар истеъфога чиқарилса, "қизил иблислар" раҳбарияти мураббийга 13,8 млн евро миқдорида жарима тўлашига тўғри келади. Ушбу банд ёш мутахассиснинг шартномасида қайд этилган.
40 ёшли Аморим "Манчестер Юнайтед"ни 2024 йилнинг ноябрида қабул қилиб олганди ва икки ярим йиллик меҳнат шартномасини имзолади. ОАВ маълумотларига кўра, мураббийнинг маоши бир мавсум учун 7,5 млн еврони ташкил этади.
Розикжон Султонмуродов
Журналист