«МЮ» Африка Миллатлар Кубоги ғолибини нишонга олди
«Манчестер Юнайтед» ёзги трансфер ойнасида «Эвертон»нинг сенегаллик вингери Илиман Ндияени ўз сафига қўшиб олишни кўзламоқда. TEAMtalk нашри тарқатган хабарга кўра, «қизил иблислар» 25 ёшли футболчини ёзги трансферлар рўйхатига киритишга қарор қилган.
Бироқ, бу келишув манкуниянликлар учун анча қимматга тушиши мумкин. Мерсисайдликлар ҳозирча ўз юлдузига аниқ нарх белгилашмаган ва уни сотилмас футболчи деб ҳисоблашмоқда. Шу сабабли, Ндияени «Гудисон Парк»дан олиб кетиш учун «Юнайтед» раҳбарияти катта маблағдан воз кечишига тўғри келади.
Илиман Ндияе учун ушбу қиш муваффақиятли келди — у Сенегал терма жамоаси сафида Африка Миллатлар Кубоги ғолиблигига эришди. Клуб миқёсида эса жорий мавсумда 19 та ўйинда майдонга тушиб, 4 та гол ва 2 та самарали узатмага муаллифлик қилди.
Ҳозирда футболчининг «Эвертон» билан 2029 йилнинг ёзигача шартномаси мавжуд. Transfermarkt портали сенегаллик ҳужумкор яримҳимоячининг бозор қийматини 45 миллион евро деб баҳолаган.
