Музаффар Музаффаров «Моҳаммадан»ни тарк этди
У Дакка шаҳри жамоасида 5 йил тўп сурди.
ФОТО: Getty images
Ўзбекистонлик яримҳимоячи Музаффар Музаффаров эркин агентга айланди.
Футболчи Бангладешнинг “Моҳаммадан” клуби билан хайрлашди. У Дакка шаҳри жамоасида 5 йил тўп сурди.
Бу вақт давомида 75 та ўйинда майдонга тушиб, 25 та гол урди. 20 та ассистни қайд этди. Клуб билан мамлакат чемпиони ва кубогини ҳам қўлга киритди.
Маълумот учун, Музаффаров “Нефтчи” бош мураббийи Исломбек Исмоиловнинг укаси ҳисобланади.
Розикжон Султонмуродов
Журналист