Мусса Диаби “Байер”га қайтишга яқин
Франциялик вингер Мусса Диаби фаолиятини яна Леверкузеннинг “Байер” клубида давом эттириши мумкин. Германия клуби “Ал-Иттиҳод” билан 27 ёшли футболчининг трансфери бўйича келишувга эришган. Трансфер суммаси қарийб 30 миллион еврони ташкил этиши кутилмоқда.
Диабининг “Байер” билан 2031-йилгача мўлжалланган шартнома бўйича келишувга эришгани хабар қилинмоқда. Эндиликда футболчи Германияда тиббий кўрикдан ўтиши ва шартномани имзолаши керак. Клуб спорт директори Симон Рольфес ҳам музокаралар якуний босқичга кирганини тасдиқлаган.
Франциялик футболчи 2024-йилдан буён “Ал-Иттиҳод” сафида тўп тепмоқда. У Саудия клуби таркибида барча мусобақаларда 73 та учрашув ўтказиб, 11 та гол урган ва 33 та голли узатмани амалга оширган.
Маълумот учун, Диаби 2019–2023-йилларда ҳам “Байер” шарафини ҳимоя қилган. У Леверкузен клуби сафида 172 та ўйинда 49 та гол ва 47 та ассист қайд этган, 2023-йилда эса “Астон Вилла”га кўчиб ўтган.
