Мусиала: Ҳар бир футболчи Мессидан нимадир ўрганиши мумкин
«Бавария» ва Германия миллий жамоаси яримҳимоячиси Жамол Мусиала Лионель Месси ҳақида илиқ фикрлар билдирди.
24 июн куни 39 ёшга тўлган Аргентина миллий жамоаси сардори ҳақида гапираркан, Мусиала унинг ҳали ҳам юқори даражада ўйнаётганига эътибор қаратди.
«Месси ҳақида яна нима дейиш мумкин? У ҳозир ҳам намойиш этаётган сифатлар шуни кўрсатадики, эҳтимол у 60 ёшгача ҳам футбол ўйнай олади (кулади).
У суперюлдуз бўлиб қолмоқда ва ҳануз жамоадошларини яхшироқ ўйнашга ундаётгани аниқ. Аргентина эса энг юқори даражадаги миллий жамоалардан бири.
Менимча, ҳар бир футболчи Мессидан нимадир ўрганиши мумкин, ҳатто ушбу Жаҳон чемпионатида ҳам», — деди Мусиала Bild нашрига берган интервьюсида.
Маълумот учун, Жамол Мусиала аввалроқ Лионель Мессини болалигидан ўзига кумир деб билишини айтганди. Аргентиналик ҳужумчи эса ЖЧ-2026да тарихий натижаларни қайд этишда давом этмоқда ва мундиаллар тарихидаги энг яхши тўпурар бўлиб турибди.
