Мунозара. \"Челси\" мухлиси \"Манчестер Юнайтед\"га ачинганини айтди
Кеча Европа лигаси доирасида "Манчестер Юнайтед" ўз майдонида "Лион"ни қабул қилди ва шиддатли кечган баҳсда камбек амалга ошириб, кейинги босқичга йўл олди.
Ушбу ўйин юзасидан Лондоннинг "Челси" жамоаси мухлиси, дўстимиз Сайдулло Исроилов ўз фикрлари билан ўртоқлашди. Исроилов кечаги ўйинга фикр билдириб, "МЮ"нинг ҳозирги ҳолатига ачинганини айтди. Қуйида унинг фикрларини келтирамиз:
"Умумий ўйин масаласида гапирадиган бўлсам, "Манчестер Юнайтед"-"Лион" ўйинида ачинарли ҳолатни кўрдим. Мен аслида "Челси" мухлиси бўлсам ҳам, тан оламан, ўзининг катта бир ўйинчилари, ўйинлари билан "Манчестер Юнайтед" буюк тарихга эга. Ундан ташқари Англиядаги энг зўр клублардан бири. Кечаги ўйинда принципиал бўлмаса ҳам, келинг Англиядаги ички рақиби Лондоннинг "Челси" мухлиси сифатида "Манчестер Юнайтед"га озгина ачиндим.
Клуб ўзини пайтида ҳар қандай жамоага дод-вой солдириб юборарди. "Юнайтед"ни довруғли, "воҳ" деган пайтларида "Реал", "Барса" ва бошқалар ҳам "қизил иблислар" билан ҳазиллаша олмас эди, тенг келишга қийналарди. Тўғрисини айтайлик, Сер Алекс Фергюсон даврида "МЮ" "жинни" каманда бўлган. "Реал"га ўхшаб "галлактикос"ни йиғмаган бўлса ҳам, жамоада ўйин зўр бўлган ва асосийси натижа ҳам зўр бўлган.
Энди, "Манчестер Юнайтед"ни даражаси қанчалик тушиб кетганлигини айтмоқчиман. Кечаги ўйинда "Лион"га қарши ўйнашди, "Лион"га қарши! Тўғри бу ҳам ўзига яраша тарихга эга клуб ҳисобланади. Лекин, "Лион"га қарши ўйинда рақиб бир киши кам бўлиб туриб, иккита гол уряпти, яъни 2:4 қиляпти. Ва бир киши кўп ўйнаб, франсузларга гол уриб туриб, "Манчестер Юнайтед" футболчилари қанчали қаттиқ хурсанд бўлаётганини кўриб озгина ачиндим тўғриси.
Ёки, мисол учун эсизда бўлса, "Юнайтед" баъзи бир ўйинларда ютса Рой Кинг ёки бошқа жамоанинг юраги бўлган футболчилар айтар эди: "Бундай ўйиндан уятиш керак, бу каби ўйнаш бизга ярашмайди",-деб роса фикр билдирарди.
Албатта камбекдан "Юнайтед" учун хурсандман, лекин бунақа ўйинга тўғриси "Манчестер Юнайтед" ўйинчиси бўлиб туриб хурсанд бўлиш учун уялиши керакда. Шунчаки узр деб чиқиб кетиши керак. Билмадим, мен шунақа фикрдаман. "Қизил иблислар"ни ғалаба билан табриклайман, бунисига гап бўлиши мумкин эмас. Лекин, ҳолат ачинарли, чунки буюк жамоа бундай вазиятга тушиб қолганидан ачиняпман"
Тез орада дўстимизнинг фикрларига муносабат билдирамиз. Сизчи, нима деб ўйлайсиз, ҳақиқатдан ҳам Сайдуллонинг гапларида жон борми?
