Муҳаммадали Ўринбоев — “Антверпен” футболчиси
Фото: Getty Images
“Пахтакор” жамоаси футболчиси Муҳаммадали Ўринбоев “Антверпен” клуби аъзосига айланди.
20 ёшли футболчи “Антверпен” билан 2029 йилнинг 30 июнига қадар мўлжалланган шартнома тузди. Трансфермаркт хабарига кўра, “Антверпен” Ўринбоев учун 750 минг евро тўлаган.
Маълумот учун, Муҳаммадали Ўринбоев жорий мавсум “шерлар” сафида 14 ўйинда майдонга тушиб, 5 та гол урди ва 3 та голли узатма муаллифи бўлди.
“Антверпен” Бельгиянинг 5 карра чемпиони ҳисобланади. Жамоа сардори машҳур ҳимоячи Тоби Алдервейрелд.
Розикжон Султонмуродов
Журналист