Муҳаммад Салоҳ нега 500 миллион фунтлик таклифни рад этиб, \"Ливерпул\"да қолгани маълум бўлди
Саудияликлар инвесторлар "Ливерпул" клуби ҳужумчиси Муҳаммад Салоҳга жами 500 миллион фунт стерлинглик таклиф юборди. Бу ҳақда BBC хабар бермоқда.
Манбага кўра, футболчи "Ливерпул" билан шартномани узайтиришга қарор қилган. Чунки у Премьер-лига ва Чемпионлар Лигасида ўйнашда давом этмоқчи.
Бунинг устига у ҳафтасига 400 минг фунт маош оладиган "Ливерпул"нинг энг кўп маош олувчи футболчиси бўлиб турибди.
Қайд этилишича, Салоҳ мерсисайдликлар билан тузилган янги шартнома якунланганидан сўнг Саудия Арабистони вариантини кўриб чиқади.
Маълумот учун, Салоҳ жорий мавсум "Ливерпул" сафида жами 46 та ўйинда майдонга тушиб, 32 та гол урди ва 23 та голли узатмани амалга оширди. Унинг "қизиллар" билан тузган амалдаги шартномаси 2027-йилнинг ёзида якунига етади.
