Моуринью Ямалнинг «Реал»га ўтиш эҳтимоли ҳақида гапирди
Португалиялик футболчи Ламинни ўз жамоасида кўришни истамаслигини айтди.
Фото: Getty Images
«Реал» бош мураббийи Жозе Моуринью «Барселона» ҳужумчиси Ламин Ямалнинг жамоага ўтиши эҳтимоли ҳақидаги саволга жавоб берди.
— Ламин Ямални «Реал»да кўришни хоҳлармидингиз?
— Йўқ. Шубҳасиз, у ажойиб футболчи, ривожланиш учун улкан салоҳиятга эга ёш ўйинчи. Унинг ёшида Европа ва жаҳон чемпиони бўлиш — ғайриоддий ҳолат. Аммо бизда юқори даражадаги таркиб бор ва мен ҳеч ким учун жамоада жой бўшатмаган бўлардим. Ҳозир улар — менинг футболчиларим. Менинг футболчиларим эса энг яхшилардир, — деди Моуриньюнинг сўзларини AS нашри келтирди.
Эслатиб ўтамиз, Жозе Моуринью 18 август куни «Реал» бош мураббийи сифатида расман таништирилди. Унинг мадридликлар билан шартномаси 2029 йилга қадар мўлжалланган.
Розикжон Султонмуродов
Журналист