Моуринью «Реал»дан «Спортинг» яримҳимоячисини сотиб олишни талаб қилмоқда
Мадриднинг «Реал» клуби бош мураббийлигига номзод бўлиб турган Жозе Моуринью жамоа раҳбариятидан Лиссабоннинг «Спортинг» клуби ярим ҳимоячиси Мортен Юлманни сотиб олишни сўраяпти. Бу ҳақда COPE нашри хабар бермоқда.
Манбанинг таъкидлашича, ушбу футболчининг трансфери Моуриньюнинг «қироллик клуби»га келиш учун қўйган асосий шартларидан бири ҳисобланади. Лиссабон клуби ўз ярим ҳимоячиси учун тахминан 50 миллион евро талаб қилиши кутилмоқда. 26 ёшли даниялик футболчининг «Спортинг» билан амалдаги шартномаси 2028 йил июнига қадар мўлжалланган.
Якунланган мавсумда Юлман португал клуби сафида барча турнирларда 42 та ўйинда майдонга тушиб, ўз ҳисобига 3 та гол ва 6 та голли узатма ёздириб қўйган. Transfermarkt портали берган маълумотга кўра, футболчининг айни дамдаги трансфер баҳоси 45 миллион евроми ташкил этади.
