Моуринью: «Мени машҳур қилган нарса аҳмоқона гапларим эмас, балки ютган совринларимдир»
Португалиялик мутахассис журналистлар берган саволга жавоб берди.
ФОТО: Getty Images
«Бенфика» бош мураббийи Жозе Моуринью унинг оммавий баёнотлари стратегиянинг бир қисми ёки психологик ҳийла экани ҳақидаги саволга жавоб берди.
«Кечирасиз, лекин менимча, мени машҳур қилган нарса вақт-вақти билан айтиб юборадиган аҳмоқона гапларим эмас, балки ютган совринларимдир», — дея Моуриньюнинг сўзларини келтиради Goal нашри.
Айни пайтда «Бенфика» Португалия чемпионати турнир жадвалида 14 турдан сўнг 32 очко билан учинчи ўринни эгаллаб турибди. Жамоа пешқадам «Порту»дан саккиз очко ортда қолмоқда.
Эслатиб ўтамиз, Жозе Моуринью аввалроқ Мадриднинг «Реал», Лондоннинг «Челси», «Интер», «Тоттенхэм», «Рома», «Порту» ҳамда Туркиянинг «Фенербахче» клубларида фаолият олиб борган.
Насрулло Каримов
Журналист