Моуриньо Португалия терма жамоасини бошқариш имкониятидан воз кечган
Жозе Моуриньо жорий йилда Португалия терма жамоасини бошқариш имкониятига эга бўлган. AS нашри хабарига кўра, Португалия футбол федерацияси Роберто Мартинеснинг 2026 йилги Жаҳон чемпионатидан кейин лавозимини тарк этишини олдиндан билган ва Моуриньо номзодини жиддий кўриб чиққан.
Бироқ португалиялик мутахассис терма жамоа таклифини қабул қилмаган. У «Реал Мадрид» президенти Флорентино Переснинг таклифини маъқул кўриб, Мадрид клубини бошқаришга рози бўлган.
Натижада Португалия терма жамоасини Жорже Жезуш бошқарди. Унинг қўл остидаги жамоа Миллатлар лигасининг дастлабки икки турида Уэльсни 1:0, Норвегияни эса 2:1 ҳисобида мағлуб этди.
Маълумот учун, Моуриньо Португалия терма жамоасини бошқариш истаги борлигини аввал ҳам билдирган. У терма жамоа билан Жаҳон чемпионатида иштирок этишни фаолиятидаги мақсадлардан бири сифатида таъкидлаган.
