Mourinyo Portugaliya terma jamoasini boshqarish imkoniyatidan voz kechgan
Joze Mourinyo joriy yilda Portugaliya terma jamoasini boshqarish imkoniyatiga ega bo‘lgan. AS nashri xabariga ko‘ra, Portugaliya futbol federatsiyasi Roberto Martinesning 2026-yilgi Jahon chempionatidan keyin lavozimini tark etishini oldindan bilgan va Mourinyo nomzodini jiddiy ko‘rib chiqqan.
Biroq portugaliyalik mutaxassis terma jamoa taklifini qabul qilmagan. U “Real Madrid” prezidenti Florentino Peresning taklifini ma’qul ko‘rib, Madrid klubini boshqarishga rozi bo‘lgan.
Natijada Portugaliya terma jamoasini Jorje Jezush boshqardi. Uning qo‘l ostidagi jamoa Millatlar ligasining dastlabki ikki turida Uelsni 1:0, Norvegiyani esa 2:1 hisobida mag‘lub etdi.
Ma’lumot uchun, Mourinyo Portugaliya terma jamoasini boshqarish istagi borligini avval ham bildirgan. U terma jamoa bilan Jahon chempionatida ishtirok etishni faoliyatidagi maqsadlardan biri sifatida ta’kidlagan.
