Моуриньо «Ноттингем Форест»ни бошқариши мумкин
Фото: Getty Images
Португалиялик мутахассис Жозе Моуриньо Туркиянинг "Фенербахче" клубини тарк этиб, Англия Премьер-лигасига қайтиши мумкин. Бу ҳақда The Athletiс хабар берди.
Манбага кўра, у "Ноттингем Форест"ни бошқариш учун номзодлар қаторидан жой олди. "Ўрмончилар" бош мураббийи Нуну Эшпириту Санту трансфер сиёсати туфайли клуб раҳбарияти билан зиддиятга борди. Агар "Ноттингем" мураббийни алмаштиришга қарор қилса, "Фенербахче"ни Моуриньони қўйиб юборишга кўндиришлари мумкин.
Португалиялик мутахассис вақтида "Челси" билан 3 марта Англия чемпиони бўлган, "Манчестер Юнайтед" ва "Тоттенхэм" клубларига устозлик қилган.
Розикжон Султонмуродов
Журналист