Mourinyo «Nottingem Forest»ni boshqarishi mumkin
Фото: Getty Images
Portugalialik mutaxassis Joze Mourinyo Turkiyaning "Fenerbahche" klubini tark etib, Angliya Premer-ligasiga qaytishi mumkin. Bu haqda The Athletic xabar berdi.
Manbaga ko‘ra, u "Nottingem Forest"ni boshqarish uchun nomzodlar qatoridan joy oldi. "O‘rmonchilar" bosh murabbiyi Nunu Eshpiritu Santu transfer siyosati tufayli klub rahbariyati bilan ziddiyatga bordi. Agar "Nottingem" murabbiyni almashtirishga qaror qilsa, "Fenerbahche"ni Mourinyoni qo‘yib yuborishga ko‘ndirishlari mumkin.
Portugalialik mutaxassis avvalroq "Chelsi" bilan 3 marta Angliya chempioni bo‘lgan, "Manchester Yunayted" va "Tottenhem" klublarida ham ustozlik qilgan.
Roziqjon Sultonmurodov
Jurnalist