Мортен Юлманн \"Спортинг\" мухлислари билан хайрлашди
Даниялик ярим ҳимоячи Мортен Юлманн Мадриднинг "Атлетико" клубига расман ўтганидан сўнг, Лиссабоннинг "Спортинг" жамоаси ишқибозларига ҳис-ҳаяжонга тўла мурожаат билан чиқди.
— "Салом, спортингчилар. Бугун мен учун бироз ғамгин кун, чунки ўзим улғайган, академияда, уй ва сафар ўйинларининг ҳар бир сониясига қадр билган қадрдон жамоам — 'Спортинг'ни тарк этяпман.
'Спортинг' юрагимдан жуда чуқур жой олган. Бу ерда қизим дунёга келган ва келажакда унга қачондир 'Спортинг' сардори бўлганимни фахр билан айтиб бераман. Бу мен билан бир умрга қоладиган улкан фахрдир. Келажакда бу ерга албатта қайтаман ва бундан буён мен ҳам сиз каби жамоанинг оддий бир мухлисига айланаман. Força, Sporting", — дея таъкидлади Юлманн "Спортинг" клубининг X ижтимоий тармоқдаги саҳифасида жойлаштирилган видеомурожаатида.