Morten Yulmann \"Sporting\" muxlislari bilan xayrlashdi
Daniyalik yarim himoyachi Morten Yulmann Madridning "Atletiko" klubiga rasman o‘tganidan so‘ng, Lissabonning "Sporting" jamoasi ishqibozlariga hissiyotlarga boy murojaat bilan chiqdi.
— "Salom, sportingchilar. Bugun men uchun biroz g‘amgin kun, chunki o‘zim ulg‘aygan, akademiyada, uy va safar o‘yinlarining har bir soniyasini qadrlagan qadrdon jamoam — 'Sporting'ni tark etmoqdaman.
'Sporting' yuragimdan juda chuqur joy olgan. Bu yerda qizim dunyoga keldi va kelajakda unga qachondir 'Sporting' sardori bo‘lganimni g‘urur bilan aytib beraman. Bu men bilan bir umrga qoladigan ulkan faxrdir. Kelajakda bu yerga albatta qaytaman va bundan buyon men ham siz kabi jamoaning oddiy bir muxlisiga aylanaman. Força, Sporting", — deya ta’kidladi Yulmann "Sporting" klubining X ijtimoiy tarmoqdagi sahifasida joylashtirilgan videomurojaatida.
