Мората ЖЧ-2026 га чақирилмагани ҳақида фикр билдирди
«Комо» клубининг 33 ёшли ҳужумчиси Альваро Мората 2026 йилги жаҳон чемпионати учун Испания терма жамоасига чақирилмаганига изоҳ берди.
«Мен шундай бўлиши кераклигини тушунаман. Мен жаҳон чемпионати учун терма жамоа таркибидан жой олишга лойиқ эмасдим. Ҳа, бу менинг жаҳон чемпионатида ўйнаш учун сўнгги имкониятим эди ва Испания аниқ уни юта олади. Аммо ҳаёт шундай. Албатта, мен у ерга боришни хоҳлардим. Мен жамоани қўллаб-қувватлайман.
Терма жамоада жуда қийин даврларни бошдан кечирдим, лекин айни пайтда бу менинг футболда энг яхши кўрган нарсамдир. Миллий терма жамоа — бу ўйиндан завқ олганинг учун мукофот. Мен яна ўйиндан завқ олишни бошлашим керак ва умид қиламанки, бир кун келиб терма жамоага қайта оламан», – дея Моратанинг сўзларини келтиради AS.
