Мората фаолиятидаги энг катта хатосини маълум қилди
Футболчи Marca нашрига интервью берди.
ФОТО: Getty images
Италиянинг «Комо» клуби ҳужумчиси Альваро Мората «Атлетико»дан кетганини ўз фаолиятидаги энг катта хато деб атади.
«Атлетико»дан кетиш ҳақидаги қарорим карьерам давомидаги энг катта хато бўлган. Мен бутун фаолиятим давомида қўлга киритган барча совринларимни «Атлетико» билан ютилган биргина титулга алмаштирган бўлардим. Бу мен севган клуб, у ерда жуда бахтли эдим», — дея унинг сўзларини иқтибос қилади Marca нашри.
«Атлетико»даги фаолияти: 154 та ўйинда 58 та гол ва 14 та ассист.
«Атлетико»дан ташқари, «Ювентус», «Челси», «Галатасарой», «Милан» ва ҳозирда «Комо» сафида тўп тепган.
Розикжон Султонмуродов
Журналист