«Монако» «Ланс»ни мағлуб этиб, пешқадамга айланди
«Монако» очколарини 13 тага етказиб, Лига 1 жадвалида биринчи ўринга кўтарилди.
ФОТО: Getty images
Франция чемпионатининг 5-турида «Монако» ўз майдонида «Ланс»ни қабул қилди.
Учрашувни мезбонлар фаол бошлади ва 32-дақиқада ҳисобни очди. Маттис Аблиннинг узатмасидан сўнг Парис Бруннер аниқ зарба билан «Монако»ни олдинга олиб чиқди. Танаффусга қадар ҳисоб ўзгармади — 1:0.
Иккинчи бўлимда «Ланс» фаоллигини оширди ва 57-дақиқада мувозанатни тиклади. Флориан Товеннинг узатмасидан кейин Матьё Юдоль ўз номини таблога ёздирди.
Бироқ учрашув якунида «Монако» яна олдинга чиқди. Жонатан Градининг ўз дарвозасига киритган тўпи мезбонларга ғалабани тақдим этди.
Шу тариқа, «Монако» очколарини 13 тага етказиб, Лига 1 жадвалида биринчи ўринга кўтарилди. «Ланс» эса 4 очко билан 10-поғонада қолди.
