Моизе Кин “Комо”га ўтмоқда

“Фиорентина” ҳужумчиси Моизе Кин фаолиятини “Комо”да давом эттиришга яқин. 26 ёшли италиялик футболчи шу ҳафта тиббий кўрикдан ўтиб, янги клуби билан беш йиллик шартнома имзолайди. Бу ҳақда инсайдер Fabrizio Romano маълум қилди.

Келишувга кўра, “Комо” Кин учун дастлаб 5 миллион евро ижара пули тўлайди. Мавсум якунида эса 30 миллион еврога мажбурий сотиб олиш банди ишга тушади. Шунингдек, яна 5 миллион евро бонуслар кўзда тутилган.

Футболчининг ўзи ҳам “Комо”га ўтишга розилик берган. Шу тариқа, Кин фаолиятини Сеск Фабрегас бошчилигидаги жамоада давом эттиради.

Маълумот учун, Моизе Кин “Фиорентина” сафида 2024 йилдан буён тўп суриб келмоқда. Унинг клуб билан амалдаги шартномаси 2029 йил ёзигача мўлжалланган.

Насрулло Каримов

Журналист

0 0 0 0 0 0