Moize Kin shu hafta yangi jamoasi bilan shartnoma imzolaydi
“Fiorentina” hujumchisi Moize Kin faoliyatini “Komo”da davom ettirishga yaqin. 26 yoshli italiyalik futbolchi shu hafta tibbiy ko‘rikdan o‘tib, yangi klubi bilan besh yillik shartnoma imzolaydi. Bu haqda insayder Fabrizio Romano ma’lum qildi.
Kelishuvga ko‘ra, “Komo” Kin uchun dastlab 5 million yevro ijara puli to‘laydi. Mavsum yakunida esa 30 million yevroga majburiy sotib olish bandi ishga tushadi. Shuningdek, yana 5 million yevro bonuslar ko‘zda tutilgan.
Futbolchining o‘zi ham “Komo”ga o‘tishga rozilik bergan. Shu tariqa, Kin faoliyatini Sesk Fabregas boshchiligidagi jamoada davom ettiradi.
Ma’lumot uchun, Moize Kin “Fiorentina” safida 2024-yildan buyon to‘p surib kelmoqda. Uning klub bilan amaldagi shartnomasi 2029-yil yozigacha mo‘ljallangan.
