Модрич бешинчи бор Жаҳон чемпионатида ўйнаши мумкин
Хорватия терма жамоаси сардори ва марказий ярим ҳимоячиси Лука Модрич бешинчи бор жаҳон чемпионатида майдонга тушиши мумкин.
Златко Далич бошчилигидаги жамоа ЖЧ-2026 саралаши 9-турида Фарер ороллари устидан 3:1 ҳисобидаги ғалаба эвазига АҚШ, Канада ва Мексикада ўтадиган мундиал йўлланмасини қўлга киритди.
Модрич илк бор 2006 йилда, атиги 20 ёшида, жаҳон чемпионати финал босқичида иштирок этган. 2010 йилда хорватлар мундиалга чиқа олмаган бўлса-да, 2018 ва 2022 йилларда жамоа тарихий натижаларни қайд этиб, мос равишда турнирнинг финали ва ярим финалигача етиб борган ҳамда кумуш ва бронза медалларини қўлга киритган.
Миллий жамоа сафида Модрич ҳозирга қадар 190 та ўйин ўтказган ва бу кўрсаткич бўйича Хорватия тарихидаги мутлақ рекордчи ҳисобланади.
