Модрич 5-бор Жаҳон чемпионатида иштирок этади
Бир кун аввал Хорватия терма жамоасининг Жаҳон чемпионати—2026 учун расмий қайдномаси эълон қилинди, ундан “Милан”нинг 40 ёшли ярим ҳимоячиси Лука Модрич ҳам ўрин олган.
Бунгача Модрич 2006, 2014, 2018 ва 2022-йиллардаги жаҳон чемпионатларида иштирок этган. Шу тариқа, футболчи ўз фаолиятидаги бешинчи жаҳон чемпионатига йўл олади.
Тарихда фақат уч нафар футболчи жаҳон чемпионатига кўпроқ чақирилган – Лионель Месси (Аргентина), Криштиану Роналду (Португалия) ва Гильермо Очоа (Мексика) ўз терма жамоалари қайдномасидан олти мартадан ўрин олган.
Аввалроқ 40 ёшли Лука Модричнинг ЖЧ-2026дан сўнг фаолиятини якунлаши ҳақида хабар берилганди.
Хорватия терма жамоаси Жаҳон чемпионати—2026нинг гуруҳ босқичида L гуруҳидан ўрин олган. Унинг рақиблари Англия, Панама ва Гана жамоалари бўлади.
