МЛСнинг 3 клуби Де Брюйнега қизиқиш билдирмоқда

Бельгиялик ярим ҳимоячи Кевин де Брюйне океан ортига кўчиб ўтиши мумкинлиги ҳақида хабарлар тарқалмоқда. МЛСнинг бир нечта клублари юлдуз футболчини ўз сафига қўшиб олишдан манфаатдор.

Инсайдер Экрем Конур маълумотларига кўра, 35 ёшли футболчига «Интер Майами», «Сан-Диего» ва «Чикаго Файр» клублари шартнома таклиф қилмоқчи.

Айни пайтда де Брюйне «Наполи» футболчиси ҳисобланади. Томонлар ўртасидаги амалдаги шартнома 2026/2027 йилги мавсум охирида ўз ниҳоясига етади.

Италия А Сериясининг жорий мавсумида бельгиялик футболчи неаполликлар сафида 5 та учрашувда майдонга тушди. Кевин 1 та гол урди ва 1 та голли узатмани амалга оширди.

Розикжон Султонмуродов

Журналист

0 0 0 0 0 0